وجيه
Admin
عدد المساهمات : 206
نقاط : 602
تاريخ التسجيل : 12/03/2009
العمر : 34
الموقع : https://aalmhbh.7olm.org/
 |  موضوع: اشكي حالي لحالي  الخميس مايو 07, 2009 9:34 am | |
| بطلت خلاص أكتب أشعار
بطلت خلاص أرسم أشجار
ورميت خلاص ريشتي وألواني
ونشفت دموعي ويه الأحبار
---
بطلت أكون فارس ومثالي
بطلت أكون طيب وفي حالي
بطلت أحب
بطلت أتحب
بطلت أشكي همومي وأحوالي
---
بطلت أعيش دايما مهموم
بطلت أكون دايما مرغوم
ليه دايما يوم الحزن طويل
ويوم الفرح عمره ما بيدوم
ليه كل ما أبص في وش بشوش
ألقاه مخدوش و قناع مرسوم
---
بطلت أقول الصبر جميل
وهقول ماليوم الغدر بديل
وقلبي كمان راح أغير نبضه
وأحط مكانه عواء وصهيل
---
مفيش ماليوم أحزان و لا خوف
مفيش كلمات
مفيش حروف
بطلت أكتب بطلت أقراه
وياريت اكون بطلت أشوف
---
خلص الكلام وتاه وسط الدروب
وراحت الأحلام وجه وقت الغروب
وجفت الأقلام وجفت معاها قلوب
ورجعت زي الأول
وياريتني مرة بتوب
---
كل مرة أقول كفاية
دي آخر صفحة في الرواية
لازم أكتب سطر النهاية
أتاريني برجع
للبداية | |
|
